Во периодот од 26 Септември до 03 Октомври 2021 година на терените на Тенискиот клуб Југ од Скопје се одржува турнир кој е во организација на Тениската Федерација на Северна Македонија (ТФСМ) а е од календарот на Интернационалната Тениска Федерација (ИТФ). Турнирот припаѓа на Светската турнеја (World Tennis Tour) и е со награден фонд од 25.000 американски долари.
На турнирот учествуваат 64 тенисери кои доаѓаат од 19 држави и тоа: Аргентина, Австралија, Босна и Херцеговина, Бугарија, Хрватска, Франција, Велика Британија, Германија, Грција, Италија, Јапонија, Молдавија, Црна Гора, Романија, Русија, Србија, Турција, Украина и Македонија.